أثارت الفنانة ملك أحمد زاهر قلق متابعيها بعد نشرها رسالة مؤثرة عبر خاصية “ستوري” عبر حسابها الرسمي بموقع “إنستجرام”، أرفقتها بصورة من داخل أحد المستشفيات، كشفت فيها عن مرورها بوعكة صحية وظروف نفسية صعبة.
فترة ضغوط نفسية وابتعاد عن الناس.
اضافت ملك:” عمري ما كنت بنزل غير الحاجات اللذيذة أو الهزار أو أي حاجة إيجابية، ولما كنت بنزل حاجة سلبية كانت غالبًا وراها هدف وباخدها بهزار. لكن مؤخرًا حبيت أشارك إن الفترة الأخيرة حسيت إن الدنيا كلها ماشية غريبة ومقفولة، وضغط نفسي كبير خلاني مش قادرة أستحمل زي قبل كده، وبقيت بحاول أهرب من الناس والمواقف”.
تابعت:” أنا مش بطلب شفقة، بس بمر بمرحلة صعبة وبحتاج فيها دعم نفسي وروحي.. أنا محتاجة دعواتكم من القلب”.
اختتمت حديثها:” الهدف من الاستوري مش إني أبان ضعيفة، لأني الحمد لله كويسة، وإن شاء الله اللي عندي ده بس دور وهيروح. لكن حبيت أشارك علشان اللي بيحسوا زيي يعرفوا إنهم مش لوحدهم، وإن في ناس بتحس كده وبتعدي”.
