الرئيس السيسي للمصريين: كل قرار يُدرَس بدل المرة 100.. والدولة علشان تقوم عايزة هِمّة من حديد

أكد الرئيس عبد الفتاح السيسي أن مصر تمر بمرحلة صعبة من أجل تغيير وضعها الاقتصادي، مشيرًا إلى أن العشم في الله كبير لتحقيق التقدم والنجاح رغم التحديات.

وقال الرئيس خلال الندوة التثقيفية بمناسبة الذكرى الـ52 لانتصارات أكتوبر:

“أكيد هنعاني عشان نحل، وعشمنا في الله كبير، ولازم اللى إحنا فيه بفضل الله هيتغير، ولما ده يحصل والله هو مالك الملك. الناس نسيت من كتر زحمة الأحداث إن الوجود له صاحب، وهو قادر يعطينا، إنما لازم إحنا كمان نجتهد علشان نغير واقعنا”.

وأضاف الرئيس أن تغيير الواقع اختبار من الله، موضحًا:

“أنا عشمان في ربنا، واللي بعمله أنا وزملائي محاولة لحل تحديات بقالها سنين طويلة، ومش بقصد الإساءة لحد، لكن دي تحديات كان لازم كحكومة وشعب وأُسر نبقى فاهمينها ومستعدين ليها”.

ووجّه الرئيس رسالة للمصريين قائلاً:

“أنا مقدّر رد فعلكم، وربنا شايف، والنتيجة هتيجي من التحمل اللي بتتحملوه. بقول لكم متشكر، وأنا عارف إن مصر بخير، وربنا بيفرّج. الأمل في بكرة كبير، وعمري ما فكرت آخدكم وأدخل بيكم في الحيطة في أصعب الأوقات، وكل قرار بيتدرس بدل المرة مية مرة”.

واختتم الرئيس السيسي كلمته مؤكدًا أن بناء الدولة يحتاج إلى عزيمة قوية لا تلين:

“الدولة علشان تقوم عايزة همة من حديد، والإصلاح والتقدم والعمل عمرهم ما بينتهوا. المسؤول الحقيقي هو اللي يفضل يحلم ويجري علشان الناس، وربنا هيحقق الأحلام لأنها كلها خير”