رودى نبيل تكتب: الصوت العالي جوه الفصل علامة خطر..عمرها ما كانت وسيلة تربية

الصوت العالى داخل الفصل: لما الضغط يسيطر على المعلم قبل الطالب مش كل زعيق من مدرس معناه قسوة. ابدا
احيانا اللي بيحصل جوه الفصل بيكون اكبر من سيطرته و انعكاس مباشر للي جوه مشاعر المعلم نفسه.

ليه. ممكن المعلم يرفع صوته من وجهه نظرى

رفع الصوت فى الفصل احيانا مش اختيار بقدر ما هو رد فعل على شي معين . رد فعل لانسان اتحط في ضغط اكبر من طاقته وتحمله ومش عارف يعبر
، فطلع بالصورة اللي هو نفسه اكيد فى كثير من الأحيان مش راضي عنها.

* شعوره بفقدان السيطرة والسلطة داخل الفصل، خصوصا لما الادوات العاديه والهدؤ والطرق التقليدية ما تجيبش نتيجه
* ارهاق نفسي وجسدى بشكل غير عادى بسبب كثرة الحصص والمهام وتراكم المسئوليات
* غياب الدعم المنتظر(( من وجهه نظره )) او. عدم التدريب بشكل كافى
ممكن يكون خوفه. إن تحصل مشكله داخل الفصل نتيجه للفوضى
* شعور داخلي بالعجز أمام رغبه وربما عدد الطلاب وعدم وضوح كيف يتصرف في موقف معين
* صراع داخلي لشعوره بين صورة المعلم اللي كان يتمنى يكونها ويتمناها والواقع اللي بيفرض عليه اسلوب مختلف
غير ما كان يتمنى مطلقا

ماذا ينكسر عند الصوت العالى فى الفصل

الزعاق مش بس بيكسر الطالب وخاصه صغار السن ابدا ، هو كمان بيكسر جزء انساني جوه المعلم نفسه،ايوه الي بيعلى صوته نفسه بيكسر حته كان نفسه هو نفسه يحافظ عليها.

* الطالب يفقد شعوره الراحه والاطمأنان و بالامان داخل الفصل
* الثقه بين الطالب مهما كان عمره والمعلم تتاكل وتنهار حته حته
* المعلم يفقد جزء من رضاه عن نفسه حتى لو ما اعترفش بده
* يتحول الفصل لمكان للصراع بدل ما يكون مساحة تعلم
* تتراكم مشاعر داخليه الحساسه بالذنب والضغط عند المعلم ويدخل في دايره مغلقه

الحل الحقيقي الذي نفتقده كثيرا

المشكله عمرها ما كانت ف الشده، ولا الحل في زيادتها. الحل الواقعى يبدأ من مكان اعمق بكتير وهو. المعلم نفسه

* وعي المعلم بنفسه بقيمته وقوته وبمشاعره قبل ما يدور على ادوات وسيطره
* تعلم ازاى نقدر نعمل ادارة الضغط بدل من تفريغه على الطلاب أو الصوت العالى
* فهم اللحظه امتا وازاى اللي بيبدأ فيها التوتر وزياده الضغط قبل ما يتحول لصوت عالى ق
* بناء علاقة انسانيه جميله ووده مع الفصل تخلي الالتزام نابع من حولهم نابع من الاحترام مش الخوف
* لما المعلم يدير ذاته ومشاعره وأدواته الفصل بيتظبط تلقائيا وده اللي بيصنع واضح ويقدر يبنى و فرق حقيقي

التكنيكس مهمه جدا وتحتاج تدريب و والادوات ضروريه طبعا مقلناش حاجه ، بس من غير وعي داخلي اى فائدتها هتفضل حلول مؤقته او. غير قابله للتنفيز
اللي بيغير فعلا مش الصوت العالي ابدا بالعكس دا بيعمل فجوه ويولد ضغط ولا الشده كمان حل
اللي بيغير هو معلم واعي بقدراته وواثق بنفسه،
فاهم ضغطه وعارف يديره ، وعارف يتعامل مع مشاعره قبل ما تطلع بطريقه غلط
وعلشان كده الاهتمام بتدريب المعلم وبوعي المعلم مش رفاهيه، ابدا وعمرها ما كانت كدا ده اساس اي تعليم حقيقي.